ចាប់ពីពេលនេះទៅការធ្វើដំនើរលើ ផ្លូវវេងស្រេង គ្មានការបងប្រាក់ទៀតទេ ~ ខ្មែរបុរាណ

រាជរដ្ឋាភិបាលសម្រេចទិញយក ការវិនិយោគទាំងមូលនៃផ្លូវវេងស្រេង មកកាន់កាប់ទាំងស្រុងវិញ និងបញ្ឈប់ការយកពន្ធ លើការធ្វើដំណើរលើផ្លូវនេះទៀត។ សេចក្ដីសម្រេចនេះបានប្រកាសអនុម័តជាផ្លូវការបន្ទាប់ពី សម្ដេចហ៊ុន សែន នាយករដ្ឋមន្ត្រីកម្ពុជា ទទួលបានលិខិតសំណូមពររបស់ប្រជាពលរដ្ឋ ដែលរស់នៅតាមបណ្តោយផ្លូវវេងស្រេង។

យោងតាមគេហទំព័រហ្វេសប៊ុកផ្លូវការ របស់នាយករដ្ឋមន្ត្រីកម្ពុជា ដោយសម្រេចលើសេចក្ដីប្រកាសនេះ បន្ទាប់ពីរដ្ឋាភិបាលបានសិក្សាល្អិតល្អន់មួយកម្រិតធំថែមទៀត ដោយសម្រេចទិញយកការវិនិយោគទាំងមូល នៃផ្លូវវេងស្រេងមកកាន់កាប់ទាំងស្រុងវិញ ខណៈនាយករដ្ឋមន្ត្រី បានបញ្ជាទៅសាលាក្រុង និងក្រុមហ៊ុនឯកជន ត្រូវបញ្ឈប់យកលុយទាំងស្រុង ចាប់ពីពេលចេញដំណឹងនេះ ហើយបងប្អូនប្រជាពលរដ្ឋ និងអ្នកធ្វើដំណើរទូទៅ គឺឈប់បង់ប្រាក់តទៅទៀត។

នេះជាដំណឹងដ៏ល្អសម្រាប់ប្រជាពលរដ្ឋ ដែលធ្វើដំណើរឆ្លងកាត់ផ្លូវវេងស្រេងនេះ មិនថាជារថយន្តប្រភេទណានោះទេ នឹងមិនត្រូវបានយកលុយទៀតទេ និងចំណេញពេលវេលាថែមទៀត ព្រោះថា កាលមុន នៅពេលដែលធ្វើដំណើរឆ្លងកាត់តាមបណ្ដោយផ្លូវមួយនេះ ប្រជាពលរដ្ឋតែងតែប្រើពេលវេលាច្រើនម៉ោងទើបដល់គោលដៅ។

គួរជម្រាបដែរថា ក្រុមហ៊ុនឯកជនមួយ បានទទួលកិច្ចសន្យាសម្បទាន ជាមួយសាលារាជធានីភ្នំពេញ ដើម្បីធ្វើការសាងសង់ពង្រីកផ្លូវចោមចៅ ឬផ្លូវវេងស្រេង ដោយបានចំណាយទុនជាង ១០លានដុល្លារអាមេរិក និងប្រកាសកំណត់យកលុយក្នុងរយៈពេល ៣០ឆ្នាំ ចំពោះអ្នកដែលធ្វើដំណើរលើដងផ្លូវមួយនេះ ដោយបានអនុវត្តយកពន្ធពីថ្ងៃទី ១ ខែធ្នូ ឆ្នាំ ២០១៥៕

ប្រភព៖ ពាណិជ្ជកម្ម កម្ពុជា

របៀបធ្វើអោយថ្មទូរស័ព្ទកាន់តែប្រសើ!ការសាកបញ្ចូលថ្មនេះ ពិតជាសំខាន់ ដល់ថ្មស្មាតហ្វូន របស់អ្នក ដូចនេះ អ្នកត្រូវ តែខ្វល់ ហើយ យើងក៏ចង់ ពីគន
យុទ្ធនាការអនាម័យបរិស្ថាន ដោយសាកលវិទ្យាល័យ USEA សាកលវិទ្យាល័យ USEA ( University of South-East Asia ) ជាសាកលវិទ្យាល័យដែលធំមួយ ប្រចាំខេត្តសៀមរាប ដែល
ពិធីដង្ហែរព្រះសព នៅខេត្តសៀមរាបកំលាំងនគរបាលនៃអធិការដ្ឋាននគរបាលក្រុងសៀមរាប ចូលរួមដង្ហែរនឹងការពារ ក្នុងពិធីដង្ហែរព្រះសព ព្រះសុមង្គលស
រូបថត៧សន្លឹកបង្ហាញពី សម័យអង្គរ រូបភាព៧ សន្លឹកដែល បង្ហាញពីទិដ្ឋាភាពភាព ដ៏រុងរឿងបំផុត នៅសម័យអង្គរ ដែលសបញ្ជាក់អោយឃើញពីការរីកចំរើន