លោកនាយរដ្ឋមន្ត្រី ហ៊ុន សែន បញ្ជាឲ្យផ្អាកធ្វើប័ណ្ណបើកបរយានយន្តគ្រប់ប្រភេទបណ្ដោះអាសន្ន ~ ខ្មែរបុរាណ

លោកនាយករដ្ឋមន្ត្រី ហ៊ុន សែន បញ្ជាឲ្យផ្អាកធ្វើប័ណ្ណបើកបរយានយន្តគ្រប់ប្រភេទជាបណ្ដោះអាសន្ន ដើម្បីរកដំណោះស្រាយសមរម្យជូនពលរដ្ឋចំពោះតម្លៃសេវា។ បទបញ្ជាយ៉ាងប្រញាប់របស់ លោក ហ៊ុន សែន នៅពេលនេះ ធ្វើឡើងនៅយប់ថ្ងៃទី២៩ ខែធ្នូ តាមរយៈទំព័រហ្វេសប៊ុក (Facebook) របស់លោក បន្ទាប់ពីទទួលសំណូមពរពីប្រជាពលរដ្ឋតាមរយៈហ្វេសប៊ុក ស្នើសុំឲ្យជួយបញ្ចុះតម្លៃធ្វើប័ណ្ណបើកបរ។

ជាងនេះទៅទៀត លោក ហ៊ុន សែន អះអាងថា លោកបានទាក់ទងទៅរដ្ឋមន្ត្រីនៃក្រសួងពាក់ព័ន្ធមួយចំនួន ជាពិសេសរដ្ឋមន្ត្រីក្រសួងសាធារណការ និងដឹកជញ្ជូន ឲ្យផ្អាកធ្វើប័ណ្ណ និងបញ្ជាទៅរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឲ្យពិភាក្សាជាមួយរដ្ឋមន្ត្រីពាក់ព័ន្ធផ្សេងទៀត រកលទ្ធភាពបញ្ចុះតម្លៃ និងលុបចោលការចំណាយរបស់ប្រជាពលរដ្ឋលើការធ្វើប័ណ្ណបើកបរ។

ចំណែកសាលារាជធានីភ្នំពេញ បានឆ្លើយតបនឹងលោកនាយករដ្ឋមន្ត្រីយ៉ាងទាន់ពេលវេលា។ សេចក្តីជូនដំណឹងរបស់សាលារាជធានីភ្នំពេញ ដែលបង្ហោះនៅលើទំព័រហ្វេសប៊ុករបស់អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ ឲ្យដឹងថា ការធ្វើប័ណ្ណបើកបរគ្រប់ប្រភេទនៅមន្ទីរសាធារណការ និងដឹកជញ្ជូនរាជធានីភ្នំពេញ នឹងត្រូវផ្អាកជាបណ្ដោះអាសន្នចាប់ពីថ្ងៃទី៣០ ខែធ្នូ រហូតដល់មានការជូនដំណឹងសាជាថ្មី ដើម្បីទុកពេលវេលាជូនរដ្ឋាភិបាលសិក្សាឡើងវិញនូវនីតិវិធី និងកម្រៃនៃការបង់សេវាសាធារណៈ។

សេចក្ដីប្រកាសរួមស្ដីពីការកែប្រែកម្រងសេវាសាធារណៈ នៃតារាងឧបសម្ពន្ធ ភ្ជាប់នឹងប្រកាសរួមកាលពីខែធ្នូ ឆ្នាំ២០១២ ស្ដីពីការផ្ដល់សេវាសាធារណៈរបស់ក្រសួងសាធារណការ និងដឹកជញ្ជូន បានកំណត់តម្លៃការប្រឡងយកប័ណ្ណបើកបរយានយន្ត ឬម៉ូតូ តម្លៃ ៦ម៉ឺនរៀល ក្រោយប្រឡង ១០ថ្ងៃ បានទទួលប័ណ្ណបើកបរ និងប័ណ្ណបើកបរនេះ មានសុពលភាពរយៈពេល ៥ឆ្នាំ។ ចំណែកការប្រឡងយកប័ណ្ណបើកបររថយន្តទេសចរណ៍ប្រភេទ "ខ" ឬឡានតូច តម្លៃ ១៨ម៉ឺនរៀល ក្រោយប្រឡង ១០ថ្ងៃ បានទទួលប័ណ្ណបើកបរ និងមានសុពលភាពរយៈពេល ១០ឆ្នាំ។ ច្បាប់ចរាចរណ៍ផ្លូវគោកថ្មី នឹងត្រូវអនុវត្តជាផ្លូវការនៅថ្ងៃទី១ ខែមករា ឆ្នាំ២០១៦៕

ប្រភព ៖ វីទ្យុអាស៊ីសេរី

Star Wars: The Force Awaken ខ្សែភាពយន្តហូលីវូដ " Star Wars: The Force Awaken " ទើបតែមកដល់ប៉ុន្មានថ្ងៃនេះបាន បំបែកកំណត់ត្រា Box
ក្រុមនិស្សិតជាតិកម្ពុជា៖ យើងខ្ញុំសូមថ្លែងអំណរគុណដល់សប្បុរសជនក្រុមនិសិ្សតជាតិកម្ពុជា គឺជាក្រុមរបស់និស្សិត ដែលកើតឡើងពីនិសិ្សតស្ម័គ្រចិត្ត ដែលចូលរួមដោយសកលវិទ្យាល័
ចាប់ពីពេលនេះទៅការធ្វើដំនើរលើ ផ្លូវវេងស្រេង គ្មានការបងប្រាក់ទៀតទេរាជរដ្ឋាភិបាលសម្រេចទិញយក ការវិនិយោគទាំងមូលនៃផ្លូវវេងស្រេង មកកាន់កាប់ទាំងស្រុងវិញ និងបញ្ឈប់ការយកពន្ធ
ក្រសួងអប់រំឲ្យបញ្ចូលមុខវិជ្ជាសរសេរតាមអានសម្រាប់វិញ្ញាសារប្រឡងឡើងវិញក្រសួងអប់រំយុវជន និងកីឡា សម្រេចឲ្យដាក់បញ្ជូលមុខវិជ្ជា សរសេរតាមអាន ក្នុងកម្មវិធីសិក្សា ចា